Framkvæmdasýslan – Ríkiseignir (FSRE), kt. 510391-2259, fyrir hönd verkkaupa, Vesturbyggðar kt. 510694-2369, óskar eftir tilboðum í verkið Ofanflóðavarnir á Bíldudal. Um er að ræða almennt útboð.
Verkið felst í því að reisa varnargarða og keilur sem staðsettir verða í hlíðinni ofan við byggðina á Bíldudal og uppi í Stekkjargilskjaftinum. Þessum mannvirkjum er ætlað að stöðva ofanflóð úr giljunum og hlíðunum ofan við bæinn á Bíldudal. Áður var kominn leiðigarður utar í bænum til að beina flóðum úr Búðargili norður fyrir byggðina.
Um er að ræða gerð þvergarðs og snjóflóðavarnakeila og annarra mannvirkja sem eru hluti af verkinu, s.s. vega, stíga, slóða, áningarstaða og vatnsrása. Einnig skal leggja jarðstreng og loftlínu Orkubús Vestfjarða í jörð.
Sjá nánar tæknilýsingu/kröfulýsingu í útboðsgögnum.
Um er að ræða almennt útboð eins og því er lýst í 2. gr. laga um opinber innkaup nr. 120/2016 (OIL) og grein 1.2.2 í ÍST 30:2012. Útboðið er yfir viðmiðunarfjárhæðum og er auglýst á evrópska efnahagsvæðinu. Um rafrænt útboð er að ræða og skal öllum tilboðum og fylgigögnum skilað í gegnum rafrænt útboðskerfið, Mercell TendSign https://tendsign.is.
Erlent heiti er Reinforcement system in Bildudalur
Allar nánari upplýsingar um útboðið er að finna í útboðskerfi FSRE, TendSign.is.
Leiðbeiningar varðandi útboðskerfið er að finna á heimasíðu Fjársýslunnar.
Hlekkur á útboðslýsingu er https://tendsign.is/doc.aspx?MeFormsNoticeID=54314
