Umhverfis- og mannvirkjasvið Akureyrarbæjar, fyrir hönd Akureyrarbæjar, Norðurorku, Tengis og Mílu, óskar eftir tilboðum í gatnagerð og lagnir í Móahverfi 2. áfanga.
Móahverfi er nýtt íbúðahverfi á Akureyri sem er staðsett suðvestan Borgarbrautar og norðvestan núverandi íbúðarbyggðar í Giljahverfi og suðvestan við Síðuhverfi.
2. áfangi verksins inniheldur því u.þ.b. 1,6 km af götum og gangstéttum, um 1,5 km af göngustígum og tilheyrandi fráveitu- og neysluvatnslagnir, ásamt lögnum fyrir hitaveitu, rafveitu og fjarskiptalagnir. Nákvæmar magntölur verksins munu koma fram í útboðsgögnum
Útboðsgögn verða afhent rafrænt í gegnum útboðsvef Akureyrarbæjar frá og með 11. apríl 2025.
Vinsamlegast athugið að nauðsynlegt er að skrá sig inn með rafrænum skilríkjum þess sem kemur til með að undirrita tilboðið rafrænt fyrir hönd fyrirtækisins, ekki er hægt að notast við Íslykil.
Hægt er að nálgast útboðsgögnin með því að smella HÉR!
Tilboðum skal skila í gegnum útboðsvef Akureyrarbæjar fyrir kl. 11.00 miðvikudaginn, 14. maí 2025
