Man. Utd sendi nú í gærmorgun frá sér myndband þar sem hulunni er svipt af nýjum heimavelli félagsins.
Óhætt er að segja að menn þar á bæ séu stórhuga enda á nýi völlurinn að taka 100 þúsund manns í sæti og hann á að kosta um tvo milljarða punda.
Það er ekki bara völlurinn sem er glæsilegur því allt svæðið í kringum völlinn verður einnig glæsilegt og hvergi til sparað.
Hér má svo lesa meira um verkefnið.
Sir Jim Ratcliffe, einn eigenda félagsins, segir að dagurinn í dag sé risastór fyrir félagið.
„Í dag hefst ótrúlega spennandi vegferð í áttina að glæsilegasta knattspyrnuleikvangi heims. Gamli völlurinn hefur þjónað félaginu vel í 115 ár en er úr sér genginn. Með því að byggja á sama svæði þá getum við haldið í Old Trafford andann,“ sagði Ratcliffe en gamli völlurinn verður rifinn og svæðið byggt upp á nýjan leik.
Með frétt má sjá ljósmyndir af fyrirhuguðum nýju Trafford.
Heimild: Visir.is
