Um þessar mundir er auglýst útboð vegna stækkunar á bráðamóttöku Landspítala í Fossvogi.
Tilboða verður leitað í hönnun, framleiðslu á húseiningum og að reisa nýja matsdeild fyrir bráðamóttöku á lóð Landspítala í Fossvogi alls um 700 fermetra að stærð.
Í húsnæðinu verða meðal annars 20 legurými, vaktherbergi, lín og lager, fundarherbergi og tengigangur yfir í núverandi byggingu Landspítala í Fossvogi.
Áætlaður framkvæmdatími er um 6 mánuðir frá undirritun samnings og gert er ráð fyrir að samningar við verkkaupa verði gerðir í apríl og því verklok í nóvember á þessu ári.
Heimild: NLSH.is
