Byggingarréttur til sölu við Norðurhóla 5
Sveitarfélagið Árborg leitar að kauptilboðum í byggingarétt lóðar fyrir verslunar- og þjónustuhúsnæði að Norðurhólum 5, Selfossi.
Stærð lóðar er 5.156 m2 og er leyfilegt byggingamagn ofanjarðar 2.800m2 og neðanjarðar 1.000m2
Leitað er að aðila sem er tilbúinn til að gangast undir samning um kaup á byggingarrétti á lóðinni.
Markmið seljanda er að semja við hæstbjóðanda svo framarlega sem hann sýnir fram á að hann sé hæfur.
Tilboð í byggingarrétt á lóðunum ásamt umbeðnum fylgi gögnum skal skila rafrænt í útboðskerfinu Ajour (tengill er á vef Árborgar) innan auglýsts skilafrests, föstudagsins 21. mars 2025.
Opnun tilboða verður framkvæmd með rafrænum hætti á útboðsvefnum eftir að skilafrestur er liðinn.
Í kjölfar opnunar verður tilboðsgjöfum sent opnunaryfirlit rafrænt.
Heimild: Arborg.is
