Eldur kom upp í tækjabúnaði veitingahússins Hamborgarafabrikkunnar í Borgartúni um klukkan þrjú í nótt.
Eldvarnarkerfi hafði slökkt eldinn að mestu þegar Slökkvilið höfuðborgarsvæðisins kom á vettvang. Varðstjóri segir mikinn reyk hafa verið í húsinu og reykkafarar sendir inn til að tryggja að hvergi logaði í glæðum. Hann telur skemmdir minni háttar en tryggingafélag veitingahússins metur umfang þeirra.
Heimild: Ruv.is
