Verðfyrirspurn
Skagafjörður óskar eftir tilboðum í verkið Sorpmóttaka Hofsósi – Jarðvegsskipti og girðing 2025.
Um er að ræða jarðvegsskipti á fyrirhuguðu sorpmóttökusvæði og í vegtengingu að svæðinu, uppgrafið efni flutt á losunarstað, verktaki útvegi burðarhæft efni í fyllingu. Umhverfis svæðið skal setja upp girðingu úr galvanhúðuðum grindum á stálstaurum, sem steyptir eru fastir í hólka í jarðveg. Á girðinguna komi tvö aksturhlið.
Helstu magntölur:
- Gröftur: 466 m3
- Burðarlag: 628 m3
- Grindagirðing: 168 m
- Aksturhlið: 2 stk
Opnunardagur tilboða er 6. mars 2025.
Verkinu í heild skal lokið 1. júlí 2025.
Verðfyrirspurnargögn verða afhent gjaldfrjálst á rafrænu formi frá og með 19. febrúar 2025. Óska skal eftir gögnum í tölvupósti á netfangið stod@stodehf.is
