Vegna framkvæmda við byggingu nýrrar Ölfusárbrúar og breytinga á Suðurlandsvegi vinnur Landsnet nú að því að leggja hluta Selfosslínu 1 í jörð.
Tekin verða niður átta möstur í línunni og hún lögð í jörð á 1,5 km kafla frá tengivirkinu á Selfossi norður fyrir nýja vegstæðið. Þar verður tengt við loftlínuna til bráðabirgða.
Varanlegur rafmagnsstrengur fyrir Selfosslínu 1 verður svo lagður í brúna þegar framkvæmdum við brúarsmíðina lýkur árið 2028.
Heimild: Sunnlenska.is
