Á þriðjudagsmorguninn voru 9 einstaklingar, sem tengjast starfsemi byggingarverktaka, handteknir vegna rannsóknar á stórfelldum skattalaga- og bóhaldsbrotum. Fimm þeirra voru hnepptir í gæsluvarðhald.
Rúv greinir frá. Fjögur embætti stóðu að aðgerðunum en 40 manns komu að þeim. Eftir húsleitir á 11 stöðum á suðvesturhorninu var hald lagt á bókhaldsgögn og reiðufé.
Kastljós hefur heimildir fyrir því að aðgerðir hafi beinst að fleiri en einu verktakafyrirtæki þar sem grunur lék á stórfelldum skattalagabrotum, brotum á bókhaldslögum, auk þess sem grunur var um peningaþvætti. Ólafur Þór Hauksson, héraðssaksóknari, staðfesti þetta við Kastljós. Í leiðinni kom lögreglan upp um kannabisræktun.
Skattrannsóknarstjóri hefur rannsakað möguleg skattalagabrot fyrirtækja í byggingariðnaið, en aðgerðirnar má rekja til þess. Á þessu stigi liggja ekki fyrir upplýsingar um hversu mörg fyrirtæki er um að ræða.
Þeir fimm einstaklingar sem sitja nú í varðhaldi eru íslendingar og útlendingar.
Heimild: Dv.is
