Framkvæmdir eru hafnar við byggingu 6 íbúða raðhúss við Flúðabakka á Blönduósi. Stefnt er að því að íbúðirnar verði tilbúnar í haust.
Um er að ræða fyrri áfanga að þessu verkefni en síðar er stefnt að því að byggja þriggja íbúða raðhús á sama reitnum. Nú er verið að grafa grunninn og er það Jóhann Evensen sem það vinnur en það er Flúðabakki ehf. sem stendur fyrir verkefninu.
Félagið er í jafnri eigu félags í eigu Sigurðar Arnar Ágústssonar, Nýmót ehf., Neglan byggingafélag ehf. og félags í eigu Einars Arnar Arnarssonar. Neglan byggingafélag mun sjá um byggingu hússins.
Ljósmyndir tók Höskuldur Birkir Erlingsson.
Heimild: Huni.is
