Leitin að Iðnaðarmanni ársins 2024 er hafin.
Opnað hefur verið fyrir tilnefningar hér inni á X977.is og er fólk hvatt til að tilnefna sinn uppáhalds pípara, klæðskera, bifvélavirkja, hársnyrti, bakara, smið, rafvirkja, múrara, prentara, úrsmið eða fólk í annarri iðngrein.
Með tilnefningu þarf að setja inn mynd og stutta lýsingu á viðkomandi. Átta aðilar verða að lokum valdir úr tilnefningum af sérstakri dómnefnd og þjóðin kýs svo sigurvegarann á Vísi.
Leitin fer fram í samstarfi við Sindra sem leggur til glæsilega vinninga.
Iðnaðarmaður ársins 2024 hlýtur í vinning átta véla sett frá DeWalt að andvirði 415.896 kr. ásamt alklæðnaði frá Blåkläder að verðmæti 158.000 kr.
Heildar verðmæti vinninga er því um 573.000 kr.
Heimild: Visir.is
