Hildur segir að tími sé kominn á Sundabyggð

Hildur Björnsdóttir, oddviti Sjálfstæðisflokksins í Reykjavík, segir að bæði sé orðið tímabært og skynsamlegt að ræða uppbyggingu Sundabyggðar.

<>

Hildur skrifar aðsenda grein um málið í Morgunblaðið í dag og rifjar upp að ríki og sveitarfélög hafi á síðasta ári undirritað samkomulag um uppbyggingu 35.000 íbúða hérlendis næstu tíu árin.

Gerir samkomulagið ráð fyrir að borgin byggi 2.000 íbúðir árlega fyrstu fimm árin og 1.200 íbúðir árlega næstu fimm árin þar á eftir. Voru þessi áform viðbragð við viðvarandi húsnæðisskorti sem fyrirsjáanlegur er til framtíðar.

Staðan orðin önnur og verri núna

„Staðan hef­ur hins veg­ar tekið nokkr­um breyt­ing­um með hliðsjón af jarðhrær­ing­um á Reykja­nesskaga. Ofan á áður þekkta hús­næðisþörf bæt­ist nú bráðavandi Grind­vík­inga.

Íbúar sveit­ar­fé­lags­ins bjuggu áður í tæp­lega 1.200 íbúðum í Grinda­vík en þurfa nú að leita hús­næðis ann­ars staðar,“ segir Hildur í grein sinni.

Hildur bendir á að á þriðjudag hafi Sjálfstæðisflokkur lagt fram tillögu í borgarstjórn sem byggist á því að fjölga skilgreindum uppbyggingarsvæðum í aðalskipulagi borgarinnar með hliðsjón af eldsumbrotunum á Reykjanesskaga.

„Jarðhrær­ing­arn­ar hafa þegar sett ýmis upp­bygg­ingaráform á stór­höfuðborg­ar­svæðinu í upp­nám. Auk­inn þrýst­ing­ur hef­ur skap­ast á ný svæði og kall­ar fyr­ir­liggj­andi bráðavandi á hús­næðismarkaði á yf­ir­vegað viðbragð og skyn­sam­lega fyr­ir­hyggju.“

Tímabært og skynsamlegt að ræða

Hildur segir að með tillögunni hafi Sjálfstæðisflokkur sett á dagskrá umræðu um Sundabyggð – nýja íbúðarbyggð á svæðum aðliggj­andi Sunda­braut.

„Mik­il­vægi Sunda­braut­ar hef­ur að und­an­förnu verið und­ir­strikað. Þegar sú mik­il­væga sam­göngu­bót verður að veru­leika opn­ast fjöl­mörg ný upp­bygg­ing­ar­tæki­færi á svæðum aðliggj­andi braut­inni, til dæm­is á Kjal­ar­nesi. Hug­mynd­ina er bæði tíma­bært og skyn­sam­legt að ræða á þess­ari stundu,“ segir Hildur.

Hún bendir hins vegar á að meiri­hluti borg­ar­stjórn­ar hafi ekki treyst sér til að taka af­stöðu til til­lög­unn­ar á fundi borg­ar­stjórn­ar. Var henni þess í stað vísað í nefnd, en Hildur segir að þangað fari al­mennt all­ar góðar til­lög­ur til svæf­ing­ar.

„Und­ir­liggj­andi ástæðan var hin aug­ljósa ósamstaða meiri­hluta­flokk­anna í skipu­lags­mál­um borg­ar­inn­ar. Þau treysta sér ekki til að standa sam­an að at­kvæðagreiðslum um mik­il­væg skipu­lags­mál, enda er sýn flokk­anna á framtíðar­skipu­lag borg­ar­inn­ar gjör­ólík. Það er ljóst að svo ósam­stæður meiri­hluti kem­ur varla nokkru í verk – og und­ir þeirra stjórn mun ekk­ert breyt­ast.“

Hildur segir nauðsynlegt að ráðast í kröft­uga hús­næðis­upp­bygg­ingu um alla borg þar sem ný hverfi eru skipulögð samhliða því að þétta byggð innan hverfa sem hafa til þess svigrúm.

Morgunblaðið ræddi á dögunum við Dr. Bjarna Reynarsson skipulagsfræðing sem sagði að tilefni væri til að endurmeta skipulag á höfuðborgarsvæðinu í ljósi aukinnar eldvirkni suður og austur af svæðinu. Bjarni stýrði meðal annars gerð aðalskipulags Reykjavíkur á árunum 1980 til 2000.

Benti hann á að Geldinganes bjóði upp á um 200 hektara af byggingarlandi sem er álíka stórt svæði og 101 Reykjavík.

Heimild: Dv.is