Hveragerðisbær óskar eftir tilboðum í verkið:
Sambýlið Birkimörk – Útveggjaklæðning
Verkið gengur út á að skipta út núverandi klæðningu hússins sem er múrkerfi og setja upp nýja læsta álklæðningu með standandi lásum, með öllum frágangi. Magn álklæðningar er 332 m2
Tilboðið er opið útboð eins og því er lýst í ÍST 30:2012
Verkkaupi mun á verktíma leggja áherslu á vandaða umgengni um framkvæmdasvæðið
Verkkaupi leggur til gáma undir klæðningu og kostar losun þeirra.
Vakin er athygli á að bjóðandi má reikna með að leitað verði eftir staðfestingum á að bjóðandi sé ekki í vanskilum með opinber gjöld, og að bjóðandi hafi fjárhagslega getu til að ljúka verki.
Verklok eru 1. september 2024
Útboðsgögn verða afhent á rafrænu formi. Senda skal beiðni um útboðsgögn á netfangið runolfur@hveragerdi.is og gefa upp nafn bjóðanda, kennitölu, heimilisfang, síma og netfang.
Fyrirspurnir skal senda á runolfur@hveragerdi.is fyrir kl 12.00 föstudaginn 16.02.2024.
Tilboðum skal skila í lokuðu umslagi merktu „Birkimörk Tilboð“ og nafni bjóðanda, á bæjarskrifstofu Hveragerðisbæjar, Breiðumörk 20, 810 Hveragerði, fyrir kl. 11:00, miðvikudaginn 21.02.2024 þar sem þau verða opnuð að viðstöddum þeim bjóðendum sem þess óska.
