04.01.2024 Elliðaárdalur, Grænugróf – Breiðholtsbraut, Göngu- og hjólastígar

F.h. Umhverfis- og skipulagssviðs Reykjavíkurborgar er óskað eftir tilboðum í eftirfarandi verk:

<>

Elliðaárdalur, Grænugróf – Breiðholtsbraut, Göngu- og hjólastígar, útboð 15940

Lauslegt yfirlit yfir verkið

Framkvæmdin hefst á upprifi núverandi yfirborðs þar sem breytingar verða. Að því loknu felst framkvæmdin í fullnaðarfrágangi göngu- og hjólabrúar yfir Elliðaá við Grænugróf í Elliðaárdal ásamt stígagerð frá Grænugróf að Breiðholtsbraut.

Framkvæmdin felst einnig í breytingum á reiðstígum og gerð nýs áningarstaðar við Dimmu.

Hluti heildarframkvæmdarinnar felst í landmótun og frágangi gróðursvæða við brúna og nýju stígana, stígalýsingu og nýjum skiltum og merkingum í tengslum við hana. Brúarhandrið og lýsing brúarinnar verður boðin út sérstaklega í öðru útboðsverki.

Helstu framkvæmdaþættir verksins eru eftirfarandi:

• Uppgröftur og jarðvegsskipti með aðfluttri fyllingu.
• Fullnaðarfrágangur göngu- og hjólabrúar við Grænugróf fyrir utan handrið, polla við brúna og lýsingar í þau.
• Fullnaðarfrágangi lýsingar meðfram göngustígum.
• Fullnaðarfrágangi malbikaðs yfirborðs ásamt hellulögn á hlutasvæðum.
• Fullnaðarfrágangi skilta og merkinga.
• Fullnaðarfrágangi gróðursvæða og áningarstaðar í samræmi við hönnunargögn.

Helstu magntölur verksins eru:

• Steypa í brú og sökkla                                    240   m³
• Slakbent járnlögn í brú og sökkla                37.000   kg
• Fylling við brúarmannvirki                              840   m³
• Upprif malbiks                                            1.100   m²
• Uppgröftur                                                 2.000   m³
• Malarfylling í stíga og áningarstaði               3.000   m³
• Malbik                                                       5.400   m²
• Hellu- og steinlagnir                                      335   m²
• Þökulögn                                                   1.900   m²
• Lagnir- Uppgröftur                                        830   m³
• Lagnir- Fylling                                              320   m³
• Kaldavatnslagnir                                            155   m
• Uppsetning ljósastólpa                                   35   stk

Útboðsgögn verða eingöngu aðgengileg á útboðsvef Reykjavíkurborgar á vefslóðinni: http://utbod.reykjavik.is – frá kl. 13:00 þann 5. desember 2023.  Smellið á íslenska fánann til að fá útboðsvefinn upp á íslensku. Nýskráning fyrirtækja hefst með því að smella á „Nýskráning“.

Vakin er athygli á að senda verður fyrirspurnir í gegnum útboðsvef Reykjavíkurborgar. Fyrirspurnum sem berast með öðrum hætti verður ekki svarað.

Tilboðum skal skila með rafrænum hætti á framangreindan útboðsvef Reykjavíkurborgar eigi síðar en: kl. 10:00 þann 4. janúar 2024.