Afhending sveinsbréfa í húsasmíði og vélvirkjun fór fram við hátíðlega athöfn á Hildebrandhóteli á Neskaupsstað.
Þetta er í fyrsta skipti sem afhending sveinsbréfa fer fram á Austurlandi. Það eru 13 sem luku sveinsprófum í húsasmíði og 6 sem luku sveinsprófum í vélvirkjun frá Verkmenntaskóla Austurlands.
Þess má geta að mæðgin fengu afhent sveinsbréf í húsasmíði, móðir og tveir synir, þau Barbara Valerie Kresfelder, Kári Kresfelder Haraldsson og Týr Kresfelder Haraldsson.
Hulda Birna Kjærnested Baldursdóttir og Marino Stefánsson afhentu sveinsbréfin fyrir hönd Iðunnar en Marino var prófdómari í sveinsprófunum og Hulda Birna er varaformaður stjórnar Iðunnar og verkefnastjóri mennta- og mannauðsmála hjá Samtökum Iðnaðarins.
Heimild: SI.is
