Orkuveita Reykjavíkur óskar eftir tilboðum í verkefnið: “Innanhúsfrágangur í vesturhúsi, Bæjarhálsi 1“.
Unnið hefur verið að endurbótum á veðurhlíf vesturhúss Orkuveitu Reykjavíkur undanfarin misseri og er þeirri vinnu lokið. Við endurnýjun veðurhlífar var megnið af byggingarefnum og lögnum fjarklægð þar sem þau voru úreld að miklu leyti.
Ástand hússins að innan nú er að nýtt hitakerfi er uppsett og frágengið. Gólf hafa verið flotuð og þannig undirbúin undir grunnun og niðurlögn nýrra gólfefna. Nokkuð er af lögnum og búnaði í loftum í húsinu sem skal endurnýttur.
Þær lagnir sem enn eru til staðar og skulu endurnýttar eru m.a. lagnaleiðir rafmagns, loftræsilagnir og vatnsúðalagnir. Engar lagnir eru þó nýtanlegar eins og þær eru heldur þarf í öllum tilfellum að bæta við lögnum og/eða breyta að einhverju leyti þeim lögnum sem eru til staðar nú. Þessi vinna er innifalin í útboðsverkinu.
Ennfremur er innifalið í þessu útboðsverki útvegun og fullnaðarfrágangur innanhúss á öllum loftum, gólfefnum, léttum veggjum, nýjum lögnum, breytingar á eldri lögnum, frágangur á endabúnaði notendakerfa lágspennu og smáspennu s.s. netlögnum, brunaviðvörunarkerfum, aðgangsstýringu o.s.frv.
| Útboðsgögn afhent: | 15.09.2023 kl. 14:00 |
| Skilafrestur | 16.10.2023 kl. 14:00 |
| Opnun tilboða: | 16.10.2023 kl. 14:00 |
Sjá nánar upplýsingar um verkið er að finna í útboðsgögnum.
