Grímsnes- og Grafningshreppur hefur óskað eftir tilboðum í viðbyggingu við íþróttamiðstöðina á Borg.
Byggingin, sem mun meðal annars hýsa líkamsræktaraðstöðu, sjúkraþjálfun og skrifstofur, kemur til með að tengjast íþróttahúsi og sundlaugarbyggingu að vestanverðu sem verður á tveimur hæðum með heildarflatarmál um 670 fm.
Á 1. hæð viðbyggingarinnar verður líkamsræktaraðstaða ásamt stoðrýmum og sjúkraþjálfun og á 2. hæð er gert ráð fyrir skrifstofu- og stoðrými. Gert er ráð fyrir að hvor hæð fyrir sig geti starfað sem sjálfstæð rekstrareining með aðgengi um sameiginlegan inngang, stigahús og lyftu milli hæða.
Útboðsfrestur er til hádegis þann 11. júlí nk.
Heimild: DFS.is
