Húnabyggð boðar til kynningarfundar vegna nýs byggingasvæðis á Blönduósi við göturnar Fjallabraut, Lækjarbraut og Holtabraut.
Fundurinn fer fram í Félagsheimilinu á Blönduósi miðvikudaginn 15. febrúar og hefst klukkan 18.
Svæðið er skilgreint íbúðasvæði í Aðalskipulagi 2010-2030 en í fyrra var samþykkt nýtt deiliskipulag fyrir svæði þar sem leyfilegur fjöldi íbúða var aukinn svo byggja megi fleiri minni íbúðir en gert var ráð fyrir í aðalskipulaginu. Svæðið gerir ráð fyrir 49-74 nýjum íbúðum.
Sjá nánar á vef Húnabyggðar.
Heimild: Huni.is
