Framkvæmdasýsla ríkisins, fyrir hönd Fjallabyggðar og Ofanflóðasjóðs óskar eftir tilboðum í verkið „Snjóflóðavarnir Siglufirði, N – Fífladalir – Uppsetning stoðvirkja“.
Verkið felur í sér að setja upp stoðvirki úr stáli (e. Snow bridges), hér eftir kallaðar stálgrindur, til snjóflóðavarna á upptakasvæðum snjóflóða í N – Fífladölum ofan byggðar á Siglufirði.
Uppsetningarverktaki fær efni í stálgrindurnar afhent á lagersvæði við flugvöllinn á Siglufirði, sjá nánari lýsingu í útboðsgögnum.
Gert er ráð fyrir því að í fyrstu verið grafið og borað fyrir undirstöðum stoðvirkjanna samhliða smíði þeirra. Áformað er að koma fyrir um 2.190 m af stálgrindum, en hæð þeirra mælt hornrétt á yfirborð fjallshlíðar (Dk) er 3,5 m 4,0 m, 4,5 m og 5,0 m.
Tilgangur stálgrindanna er að auka stæðni snjóþekju á upptakasvæðum, koma í veg fyrir að snjóflóð fari af stað og draga þannig úr snjóflóðahættu.
Helstu magntölur:
Stálgrindur (Dk 3,5 m) – 432 m
Stálgrindur (Dk 4,0 m) – 762 m
Stálgrindur (Dk 4,5 m) – 810 m
Stálgrindur (Dk 5,0 m) – 64 m
Stálgrindur (Dk 5,0 m, N = 32) – 122 m
Endastyrkingar – 30 stk.
Fótplötur (300 x 300 mm) – 135 stk.
Fótplötur (635 x 630 mm) – 141 stk.
Fótplötur (800 x 800 mm) – 514 stk
Verkinu skal vera að fullu lokið í september 2018
Útboðsgögn verða til sýnis og sölu á krónur 3.500 hjá Ríkiskaupum, Borgartúni 7C, 105 Reykjavík, frá og með miðvikudeginum 25. mars 2015. Tilboðin verða opnuð hjá Ríkiskaupum, 12. maí 2015, klukkan 11:00 að viðstöddum þeim bjóðendum sem þess óska.
Heimild: FRAMKVÆMDASÝSLA RÍKISINS
