Vinna við endurbætur á Garðari, syðri hluta Kaupfélagshússins, er í aðalatriðum skv áætlun. Búið er að hreinsa innan úr kjallara og jarðhæð þ.m.t. að fjarlæga gólf/loft þar á milli.
Nokkur vinna er eftir í kjallaranum áður en hægt verður að hefjast handa við að byggja aftur upp nýtt gólf. Vinna við að hreinsa innan úr annarri hæð stendur yfir. Búið er að taka grunn fyrir nýja viðbyggingu, kjallara og eina hæð.
Um er að ræða viðamikið og metnaðarfullt verkefni sem eigandi hússins, Gb5 ehf stendur fyrir. Megintilgangur með þessu stóra verkefni er að endurnýja og færa húsið til nútímans, en hafa þó í heiðri sögu þess og útlit eins og áður hefur verið vikið að.
Þannig verður t.d. gólf jarðhæðar ekki lengur á stöllum eins og var, og í sömu hæð og í anddyrinu.
Útibú Íslandsbanka mun síðan flytja á jarðhæð Kaupfélagshússins (Garðar) þegar framkvæmdum lýkur.
Gb5 ehf er fasteignafélag sem rekur Kaupfélagshúsið á Húsavík sem miðstöð þekkingar, þjónustu, verslunar og mannlífs þar sem styrkurinn felst m.a. í staðsetningunni, aðstöðunni og sögunni.
Heimild: Facebook síða Gb5
