Consensa fyrir hönd Reykjanesbæjar óskar eftir tilboðum í byggingu nýs leikskóla við Drekadal 4, 230 Reykjanesbæ samkvæmt skilmálum útboðslýsingar.
Leikskólanum skal skilað fullgerðum að utan og tilbúnum til innréttingar, sbr. ÍST 51:2021, byggingarstig 3.
Um er að ræða leikskóla á einni hæð með 5 leikskóladeildum, samkomusal og starfsaðstöðu fyrir kennara. Í ljósi þess að framkvæmdatími er tiltölulega stuttur er hægt að leggja fram tilboð sem taka mið af mismunandi byggingaraðferðum.
Heimilt er að leggja fram tilboð sem tekur mið af því að byggingin sé staðbyggð en einnig er heimilt að leggja fram tilboð sem tekur mið af því að um sé að ræða verksmiðjuframleiddar einingar.
Ljúka skal verkinu eins og því er lýst í skilmálum útboðsins eigi síðar en 1. júlí 2023.
Nánari upplýsingar má finna á www.consensa.is og í útboðsgögnum sem eru aðgengileg á útboðsvefnum á vefslóðinni:
https://tendsign.is/doc.aspx?UniqueId=afobduyyho&GoTo=Tender
Hafa skal í huga að tilboðfrestir geta tekið breytingum og eru allar slíkar breytingar eingöngu tilkynntar inn á útboðsvefnum og gildir sá tími sem þar er tiltekinn.
