Hótelið sem verður skammt frá Jökulsárlóni kann að verða allt að 150 herbergi.
Skúli Gunnar Sigfússon, sem á m.a. Subway á Íslandi, vinnur nú að því að reisa allt að 150 herbergja hótel og þjónustumiðstöð á Reynivöllum við Jökulsárlón.
Bæjarstjórn Hornafjarðar samþykkti nýverið ósk um aðalskipulagsbreytingu sveitarfélagsins vegna málsins þar sem hámarksfjöldi herbergja við fyrirhugað hótel var fjölgað úr 100 í 150.
Samkvæmt gögnum sem Skipulagsstofnun birti í upphafi þessa árs hefur staðið til að byggja 1.000 fermetra verslunar- og þjónustu rými til viðbótar við 4.800 fermetra hótel á tveimur hæðum.
Skúli hefur um nokkurra ára skeið átt jörð að Reynivöllum og haft uppi áform um hótel og þjónustumiðstöð á Reynivöllum sem er um tíu kílómetra austan við Jökulsárlón.
Í nóvembermánuði stofnaði hann svo félagið Hótel Jökulsárlón ehf. með aðsetur að Reynivöllum.
Heimild: Vb.is
