Fasteignir Akureyrarbæjar óska eftir tilboðum í framkvæmdir við endurnýjun á gólfplötu í Skautahöllinni á Akureyri. Útboðinu er skipt upp í tvo hluta:
– Múrbrot og jarðvinna
– Uppbygging á gólfplötu.
Útboðsgögn verða tilbúin til afhendingar á rafrænu formi frá og með 6. janúar 2016 í gegnum netfangið dora@akureyri.is
Kynningarfundur og vettvangsskoðun verður þriðjudaginn 12. janúar 2016 kl. 10.00. Kynningarfundurinn verður haldinn í bæjarstjórnarsal Ráðhúss Akureyrarbæjar, Geislagötu 9, 4. hæð og í framhaldinu gefst bjóðendum kostur á að skoða aðstæður á verkstað.
Tilboðum skal skila fyrir kl. 11.00 þriðjudaginn 26. janúar 2016 til Fasteigna Akureyrarbæjar Geislagötu 9, 4. hæð, 600 Akureyri og verða tilboðin opnuð á sama tíma að viðstöddum þeim bjóðendum sem þess óska.
Áætlað er að framkvæmdatími við múrbrot og jarðvinnu sé 1. mars til 1. apríl 2016. Áætlað er að framkvæmdir við uppbyggingu gólfplötu hefjist í apríl 2016 og skal að fullu lokið eigi síðar en 15. ágúst 2016.
Fasteignir Akureyrarbæjar áskilja sér þann rétt að taka hvaða tilboði sem er eða hafna öllum.
