Íbúar í Helluhverfi í Hafnarfirði og næsta nágrenni þess eru hvattir til að halda sig innandyra eftir að stálgrindarhús við Dofrahellu sprakk í óveðrinu sem nú gengur yfir.
Í tilkynningu sem Lögreglan á höfuðborgarsvæðinu sendi frá sér kemur fram að lokað hafi verið fyrir umferð um hverfið.
„Þeir sem eru staðsettir í hverfinu eða næsta nágrenni eru beðnir um að halda sig innandyra, en brak úr húsinu hefur fokið til. Búist er við að veðrið á þessum stað gangi niður næsta klukkutímann,“ segir í tilkynningu frá lögreglu.
Heimild: Frettabladid.is
