Home Fréttir Í fréttum 10.02.2022 Grófarhús – Lifandi samfélagsrými og þátttökugátt fyrir íbúa Reykjavíkur

10.02.2022 Grófarhús – Lifandi samfélagsrými og þátttökugátt fyrir íbúa Reykjavíkur

318
0
Mynd: Reykjavik.is

Innkaupaskrifstofa Reykjavíkurborgar óskar eftir aðilum til þátttöku í:

<>

Grófarhús – Lifandi samfélagsrými og þátttökugátt fyrir íbúa Reykjavíkur – EES forval nr. 15305.

Umhverfis og skipulagssvið Reykjavíkur, í samvinnu við Arkitektafélag Íslands, óskar eftir umsóknum arkitekta/hönnunarteyma um þátttöku í hönnunarsamkeppni vegna breytinga og endurbóta á Grófarhúsi við Tryggvagötu sem hýsir Borgarbókasafnið Grófinni.

Samkeppnin nær yfir endurbætur á ytra byrði hússins, þar sem borgin óskar eftir að færa bygginguna nær upprunalegu útliti, breytingar á innra skipulagi og innréttingum í núverandi byggingu bókasafnsins, innra skipulagi á þegar byggðri viðbyggingu, auk mögulegra lausna á aðkomu og aðstöðu við húsið.

Samkeppnin er hönnunarsamkeppni með forvali. Öllum er frjáls þátttaka í forvalinu og markmið samkeppninnar er að fá bæði reynd og reynsluminni hönnunarteymi til að koma með áhugverðar tillögur að hönnun framtíðarbókasafns miðborgarinnar.

Fimm teymi verða valin í forvalinu og boðið að taka þátt í samkeppninni, þau fá hvert um sig 5.000.000.-  kr. án vsk. til að vinna tillögur fyrir samkeppnina.

Verkefninu og forsendum þess er lýst í forvalsgögnum og fylgiskjölum þess.

Forvalsgögn verða  eingöngu  aðgengileg á útboðsvef Reykjavíkurborgar á vefslóðinni: http://utbod.reykjavik.is – frá kl. 14:00,  föstudaginn 7. janúar 2022.

Nýskráning fyrirtækja hefst með því að smella á „Register“.

Vakin er athygli á að senda verður fyrirspurnir í gegnum framangreindan útboðsvef innkaupaskrifstofu Reykjavíkurborgar. Fyrirspurnir sem berast með öðrum hætti verður ekki svarað.

Umsóknum skal skila með rafrænum hætti á framangreindan útboðsvef innkaupaskrifstofu Reykjavíkurborgar eigi síðar en: Kl. 12:00 þann 10. febrúar 2022.