Verk þetta felst í uppsteypu undirstaða og ~4 m hárra stoðveggja ofan á þær, sem og í uppsteypu u.þ.b. ~3 m langrar tengibrúar milli stoðveggja og eldri húsveggs.
Allt steypuvirki, sem verður sýnilegt, að loknum seinni tíma yfirborðsfrágangi lóðar, skal vera með sjónsteypuáferð og yfirborðsfrágangi skv. verklýsingu.
Áskilin er reynsla bjóðenda af uppsteypu sjónsteypuveggja og skulu þeir á tilboðsblaði benda á minnst eitt slíkt verk sem þeir hafa staðið að.
Staðsetning stoðveggja verður á austurhlið Kórsins og aðeins suður fyrir hús í gryfju sem búið er að grafa frá jarðhæð niður fyrir kjallaragólf.
Aðkoma að gryfju er gegnum keyrsluhæfan rampa og einnig beint gegnum u.þ.b. 2m breiða rás frá malbikuðu plani í kjallarahæð á suðurhlið.
Steyptar undirstöður grundist á burðarhæfum púða úr frostfríu fyllingarefni sem verkkaupi hefur fulllokið við (hefur staðist plötupróf) áður en uppsteypuverktaki kemur að verki.
Í gryfjubotni, undir fyrirhugaðri brú, er til staðar timburstigi sem er virk flóttaleið frá núverandi skólahúsnæði Hörðuvallaskóla á jarðhæð.
Hluti af vinnu verktaka er að fjarlægja flóttastiga samhliða brúarsmíði og þarf að tímasetja framkvæmd þannig að flóttaleið haldist ávallt greið á skólatíma.
Samtímaverk verkkaupa á verktíma er ísetning glugga og útihurða í kjallara og vinna við gluggaflasningar og einangrun og utanhússklæðningu kjallaraveggja.
Frekari upplýsingar um þær kröfur sem gerðar og aðilar verða að uppfylla eru aðgengilegar í rafræna útboðskerfinu TendSign, á vefslóðinni https://tendsign.is/
Tilboðum skal skila rafrænt í útboðskerfinu, eigi síðar en kl. 11:00, þriðjudaginn 7. desember 2021.
