Árni ehf. í Galtafelli í Hrunamannahreppi bauð lægst í endurnýjun Hvammsvegar, meðfram Litlu-Laxá í Hrunamannahreppi.
Tilboð Árna hljóðaði upp á rúmar 21,6 milljónir króna en kostnaðaráætlun Hrunamannahrepps, sem býður verkið út, hljóðaði upp á rúmar 30,3 milljónir króna.
Tvö önnur tilboð bárust í verkið og voru þau einnig undir kostnaðaráætlun; Fögrusteinar ehf. í Birtingaholti buðu rúmar 24,3 milljónir króna og Gröfutækni ehf. á Flúðum bauð tæpar 27,8 milljónir króna.
Verkið felur í sér vegagerð að Hvammi á Flúðum auk reiðstígs meðfram vegi.
Heimild: Sunnlenska.is
