Frá því í byrjun júní hafa staðið yfir framkvæmdir á Laugarbraut á Akranesi. Akraneskaupstaður var að endurnýja gangstéttir við götuna og samhliða því voru Veitur ohf að skipta um vatns- og raflagnir.
Verktaki endurnýjunar gangstétta er Skóflan og verktaki lagnavinnu er Þróttur.
Á mánudaginn voru steyptar gangstéttir mestan hluta öðrum megin á Laugarbrautinni alveg að tannlæknastofunni og reiknað er með að lokið verði við steypuvinnuna í lok vikunnar ef aðstæður leyfa.
Samkvæmt útboði átti þessum áfanga að vera lokið í júlí en framkvæmdum hefur seinkað töluvert.
Heimild: Skessuhorn.is
