Home Á döfinni Fyrirhugaðar opnanir útboða 22.10.2021 Garðabær. Íbúðakjarni Brekkuási – Forval vegna alútboðs

22.10.2021 Garðabær. Íbúðakjarni Brekkuási – Forval vegna alútboðs

92
0
Mynd: Garðabær

Garðabær óskar eftir þátttakendum í forval vegna fyrirhugaðs lokaðs alútboðs vegna uppbyggingar á íbúðakjarna fyrir fatlað fólk.

Húsið verður staðsett við Brekkuás 2 í Garðabæ.

Í forvalinu verður hæfni væntanlegra bjóðenda metin og allt að 5 aðilum sem standast hæfnikröfur verður boðið að taka þátt í lokuðu alútboði þar sem bjóðendur leggja fram tillögur að lausn ásamt verðtilboði.

Á grundvelli þess lokaða alútboðs verður gerður verksamningur við þann aðila sem á hagkvæmasta tilboð m.t.t. gæða lausnar og verðs.

Byggingin er á einni hæð og samanstendur af 7 íbúðum og sameiginlegu rými íbúa sem og starfsmannaaðstöðu.

Áætluð heildarstærð byggingar er um 400-600 m2 og heildarstærð lóðar er um 3.000 m2.

Hanna skal mannvirkið frá grunni og fullgera það ásamt lóð þannig að það sé tilbúið til innflutnings íbúa.

Samningsaðili er ábyrgur fyrir því að verkefnið sé unnið í samræmi við ákvæði gildandi laga og reglugerða.

Helstu verkþættir eru:

Hönnunarstjórn
Alhliða arkitekta- og lóðarhönnun
Alhliða verkfræðihönnun.
Aðaluppdrættir og deiliskipulagsuppdrættir.
Jarðvinna
Burðarvirki
Frágangur utanhúss
Frágangur innanhúss
Lagnir & loftræsting
Raflagnir og lýsing
Lóðarfrágangur
Verkefna- og byggingarstjórn á verkstað.

Garðabær leggur fram lóð undir væntanlegt húsnæði.

Forvalsgögn verða aðgengileg á útboðsvef vso.ajoursystem.is

Þeir sem hafa áhuga á að taka þátt í forvali skulu senda inn umsókn gegnum útboðsvefinn ásamt umbeðnum upplýsingum samkvæmt skilgreiningu í forvalsgögnum.

Umsóknum um þátttöku skal skilað eigi síður en 20.október 2021 kl:14:00 á útboðsvefinn

Previous article22.10.2021 Leikskóli Dalborg-stækkun – Áfangi 1: Jarðvinna, uppsteypa og lagnir
Next article05.11.2021 Sjóvarnargarður við Eiðsgranda