Isavia stendur í miklum framkvæmdum á Keflavíkurflugvelli um þessar mundir og hluti af þeim er endurnýjun á lager-, skrifstofurými og viðhaldsverkstæði fyrirtækisins á flugvallarsvæðinu. Ríkiskaup buðu verkið út fyrir hönd fyrirtækisins og voru tilboð í verkið opnuð á dögunum.
Um er að ræða framkvæmdasvæði uppá tæpa 3.000 fermetra og eru helstu verkliðir bæði innan- og utandyra.
Það voru HUG-verktakar sem áttu lægsta boð í verkið sem hljóðaði uppá rúmar 119 milljónir króna en kostnaðaráætlun verkkaupa var 124 milljónir, öll önnur tilboð sem bárust voru yfir kostnaðaráætlun. Tilboðin má sjá hér fyrir neðan:
1. HUG-verktakar ehf.
kr. 119.640.000.-
2. TSA ehf.
kr. 143.479.798.-
3. Sparri ehf.
kr.132.886.818.-
4.Þarfaþing hf.
kr. 157.465.398.-
5. IAV
kr. 139.660.169.-
Kostnaðaráætlun kr. 124.678.170.-
