Veitur ohf. óskar eftir tilboðum í verkið “Kársnesbraut og Hafnarbraut” í samræmi við útboðsgögn.
Verkið er í aðalatriðum fólgið í að leggja hitaveitu, rafmagn í Hafnarbraut, Kársnesbraut og hluta Vesturvarar.
Verkið er í aðalatriðum fólgið í því, að verktaki skal endurnýja og leggja nýlagnir veitna. Verktaki skal grafa skurði fyrir hitaveitulagnir, ídráttarrör og rafstrengi.
Í skurðina skal verktaki sanda undir og yfir rör og strengi, leggja lagnir, strengi, rör og ídráttarrör, fylla yfir og ganga frá. Jafnframt skal hann grafa fyrir og annast uppsetningu á, brunnum, lokum, spindlum og tengiskápum.
Um er að ræða eftirfarandi framkvæmdir:
Hitaveita: Leggja á dreifilagnir, þar með talið að ganga frá spindlum, lokum og brunnum í kringum þjónustuloka.
Einnig þarf að útfæra tengingu inn í núverandi hitaveitubrunn í Kársnesbraut ásamt aflagningu á núverandi brunnum.
Fyrirséð er að það þurfi að bráðabirgðatengja hitaveitu í þessu verki sem og hita upp lagnir.
Nánari útfærsla á þessu er æskileg með verkkaupa og verktaka þegar verktaki er komin á verkið.
Rafveita: Leggja á lág- og háspennukerfi ásamt jarðvírum. Setja skal upp og taka niður tengiskápa og leggja ídráttarrör og annast útdrátt strengja.
Sjá nánari upplýsingar í útboðsgögnum.
