Yrki hlutskarpast í samkeppni um nýtt ráðhús á Akureyri

Markmiðið með framkvæmdinni er að færa alla miðlæga starfsemi Akureyrarbæjar á einn stað en fram að þessu hefur stjórnsýslan verið til húsa bæði að Geislagötu 9 og Glerárgötu 26, að því er fram kemur á vef bæjarins.

Alls bárust 14 umsóknir um þátttöku í forvali vegna hönnunarsamkeppni en fjórar stofur voru valdar til þess að skila inn tillögu. Þær hafa nú litið dagsins ljós.

Í niðurstöðu dómnefndar segir að tillaga Yrki sé í senn bæði nútímaleg og fáguð og með samspili hins eldri hluta ráðhússins og hins nýja sé virðing borin fyrir sögu hússins, sem byggt var á árunum 1949-1996.

Nánari upplýsingar um tillögurnar og myndir af hinum tillögunum þremur sem hlutu ekki fyrsta sæti í samkeppninni má nálgast hér.

Heimild: Visir.is