Nýi miðbærinn hefur verið opnaður á Selfossi fyrir gestum og gangandi. Fimm verslanir voru opnaðar í gær á hinu nýja Brúarstræti og átta veitingastaðir í glæsilegu, endurbyggðu Mjólkurbúi Flóamanna.
Á annað hundrað manns unnu hörðum höndum í gær við að klára götuna í tæka tíð en um helgina eru tveir stórviðburðir á Selfossi.
Um er að ræða forsýningu en frumsýningin verður síðsumars. Aðstandendur verkefnisins vilja taka lokaskrefin með aðstoð og ábendingum frá íbúum og öðrum gestum, að því er fram kemur í umfjöllun um nýja miðbæinn á Selfossi í Morgublaðinu í dag.
