Framkvæmdasýsla ríkisins og Heilbrigðisstofnun Suðurnesja hafa lagt fram frumathugunarskýrslu vegna lóðar fyrir nýja heilsugæslustöð í Innri-Njarðvík.
Niðurstaða forathugunar er lóð í nýju hverfi, Salahverfi III uppfylli skilyrðin sem sett eru fram í athugunni betur en aðrar lóðir sem skoðaðar voru.
Umhverfis- og skipulagsráð ræddi skýrsluna á síðasta fundi sínum og er sammála staðarvali fyrir nýja heilsugæslustöð sem mun þjóna íbúum Innri-Njarðvíkur vel.
Ráðið bendir jafnframt á að íbúum Suðurnesja fer ört fjölgandi og miðað við mannfjöldaspár er brýnt að undirbúningur þriðju heilsugæslustöðvar í sveitarfélaginu hefjist strax.
Heimild: Sudurnes.net
