F.h. umhverfis- og skipulagssviðs Reykjavíkurborgar er óskað eftir tilboðum í eftirfarandi verkefni:
Sæbraut – Sægarðar – Vatnagarðar – Framkvæmd, útboð nr. 15196
Útboðsgögn verða aðgengileg á útboðsvef Reykjavíkurborgar frá kl. 14:00 þann 4. maí 2021, á vefslóðinni: http://utbod.reykjavik.is
Nýskráning fyrirtækja hefst með því að smella “Nýskráning“.
Vakin er athygli á að allar fyrirspurnir verður að senda gegnum útboðsvef Reykjavíkurborgar. Fyrirspurnum sem berast með öðrum hætti verður ekki svarað.
Tilboðum skal skila með rafrænum hætti á framangreindan útboðsvef Reykjavíkurborgar eigi síðar en: Kl. 10:15, 18. maí 2021.
Ekki verður haldinn formlegur opnunarfundur, sjá má niðurstöðu á vefslóðinni https://reykjavik.is/opnun-tilboda-2021
Lauslegt yfirlit yfir verkið
Yfirlit yfir verkið sést á afstöðumynd og yfirlitsmyndum. Verk þetta skal vinna skv. teikningum, verklýsingu og öðrum gögnum sem vísað er til, sjá grein „0.3.1 Útboðsgögn“.
Verkið felst í hönnun á breytingum gatnamóta Sægarða og Vatnagarða, ásamt nýrri hægribeygjurein af Sægörðum inn á Sæbraut. Á gatnamótum Sægarða og Vatnagarða verða gerðar nýjar miðeyjur. Gangbrautarlýsing við Vatnagarða verður samkvæmt leiðbeiningum Reykjavíkurborgar. Tvær nýjar gönguþveranir verða útbúnar, annars vegar yfir Sægarða, norðan Vatnagarða og hins vegar yfir Vatnagarða vestan Sægarða.
Verkið felst í að fræsa núverandi malbik og grafa og fylla í ný svæði götu, grafa og fylla vegna nýrra gönguleiða, ídráttarröra og götuljósastrengja. Nýjar miðeyjur eru bæði steinlagðar með staðsteyptum kantsteini og með yfirkeyranlegu steinlögðu svæði með þríkantsteini. Einnig eru yfirkeyranleg svæði steinlögð við nýja götukanta sem einungis stór ökutæki skulu notast við. Skipt verður um jarðveg samkvæmt kennisniðum.
Verkinu er áfangaskipt eins og hér segir og að auki má sjá tillögu að áfangaskiptingu á teikningum í teikningahefti. Lagt er upp með að ítarlegri áfangaskipting og tímaáætlun framkvæmda verði unnin í samvinnu verktaka og verkkaupa í upphafi verks.
Áfangi 1
Innifalið í þessum áfanga er fræsing á núverandi malbiki við götukanta, jarðvinna vegna breikkana gatna. Núverandi steypt gönguleið er fjarlægð. Bæði malbikuð og steypt gönguleið eru framkvæmdar í þessum áfanga. Götulýsing er framkvæmd í þessum áfanga.
Áfangi 2
Miðeyja í Vatnagörðum, vestan Sægarða er framkvæmd ásamt stækkun á núverandi eyju við beygjurein af Sægörðum á Sæbraut. Einnig eru áherslusvæði unnin í þessum áfanga á núverandi eyjum við ljósastýrða gönguþverun yfir Sægarða við Sæbraut.
Vakin er athygli á að vinna við tengingu nýrrar beygjureinar við Sæbraut skal framkvæma að næturlagi. Sjá teikningu Y201.
Áfangi 3
Gerð miðeyju í Vatnagörðum, austan Sægarða. Lokafrágangur.
Vakin er athygli á því að framkvæmdatími áfanga gæti skarast og að verið sé að vinna í fleiri en einum áfanga í einu.
Verkið skal vinna í samræmi við ákvæði gildandi reglugerða sem eiga við þessa framkvæmd og er verktaki að fullu ábyrgur fyrir því að þeim sé fylgt.
Helstu magntölur í verkinu eru:
Upprif á malbiki 285 m2
Upprif á steyptri stétt 200 m2
Upprif á steyptum kantsteini 200 m
Gröftur 2500 m3
Fylling 2000 m3
Púkkmulningur 250 m2
Mulningur 440 m2
Lagning kantsteina 425 m
Malbikun 800 m2
Steypt stétt 95 m2
Hellulögn 310 m2
Þökulögn 635 m2
Ljósastólpar 12 stk
