Framkvæmdir við fjölnota íþróttahúsið sem nú er að rísa í Vetrarmýri hafa gengið vel í vetur.
Bæjarfulltrúar og nefndarmenn í skipulagsnefnd, íþrótta- og tómstundaráði og dómnefnd alútboðs hússins ásamt framkvæmdaraðilum fengu á dögunum kynningarferð um húsið til að skoða stöðu framkvæmdanna.
Framkvæmdir við fjölnota íþróttahúsið sem nú er að rísa í Vetrarmýri hafa gengið vel í vetur. Bæjarfulltrúar og nefndarmenn í skipulagsnefnd, íþrótta- og tómstundaráði og dómnefnd alútboðs hússins ásamt framkvæmdaraðilum fengu á dögunum kynningarferð um húsið til að skoða stöðu framkvæmdanna.
Fjölnota íþróttahúsið verður með rými fyrir knattspyrnuvöll í fullri stærð og klifurvegg innanhúss auk upphitunaraðstöðu ásamt tilheyrandi stoðrýmum. Stærð íþróttasalarins verður um 80×120 m, með anddyri og öðrum stoðrýmum er flatarmál hússins um 18.200m².
Stoðveggir reistir og byrjað á frágangi innanhúss
Í lok október var byrjað að reisa fyrstu stálgrindina í húsinu og þessa daga er verið að klára reisa stoðveggi í húsinu. Stálburðarvirki er að mestu komi og verið er að vinna að frágangi á svölum innandyra.
Þegar húsinu hefur verið lokað verður byrjað á frágangi innanhúss, áfram er unnið að lagnavinnu og byrjað er að leggja gólfhita í húsið. Áætlað er að setja knattspyrnugrasið í húsið í haust. Á árinu verður áfram unnið að frágangi utanhúss og í haust verða gerð bílastæði við húsið og gengið frá lóðinni. Húsið sjálft verður tilbúið í lok þessa árs skv. áætlun.
Íslenskir aðalverktakar (ÍAV) hanna og byggja húsið skv. verksamningi við Garðabæ sem var gerður eftir alútboð á verkinu í lok árs 2018 en framkvæmdir hófust í byrjun árs 2019. Heildarkostnaður við verkið er um fjórir milljarðar og er ein stærsta framkvæmd sem Garðabær hefur ráðist í.
Heimild: Garðabær
