Útboð – Heilbrigðisstofnun Norðurlands á Siglufirði – Endurbætur á 3. hæð
Örútboð nr. 314 innan rammasamnings 21201 – Þjónusta iðnmeistara
Ríkiseignir óska eftir iðnmeisturum til að taka þátt í örútboði vegna endurbóta 3. hæðar við Hvanneyrarbraut 37-39 á Siglufirði. Á 3. hæð sem er um 360 m2 verða veggir fjarlægðir, brotið og/eða borað í gólf fyrir lögnum, ílögn brotin á baðherbergjum, gólfefni hreinsuð af og nýir veggir settir upp. Ennfremur verða núverandi loftaplötur teknar niður og ný kerfisloft (hengiloft) sett upp með innbyggðri lýsingu og öðrum búnaði. Gólf verða dúklögð, baðherbergi þiljuð með vatnsþolnum plötum og veggir málaðir. Ennfremur verða gluggar málaðir svo og hurðir og dyrakarmar.
Verklok 1. júní 2021
Þeir rammasamningshafar sem hafa áhuga á að fá send gögn og taka þátt í örútboðinu eru beðnir um að senda póst á utbod@rikiseignir.is
Tilboð verða opnuð hjá Ríkiseignum, Borgartúni 7a, 105 Reykjavík, miðvikudaginn 27. jan. 2021 kl. 14:00.
