Verkið felur í sér gerð á nýjum götum við Gröf á Flúðum í Hrunamannahreppi.
Verktaki skal jarðvegsskipta götur og stíga samkvæmt kennisniðum og leggja styrktarlag, burðarlag og malbik á stíga og götur.
Verktaki skal einnig leggja fráveitu, vatnsveitu, hitaveitu, ljósleiðaralagnir, ljósastauralagnir, setja upp ljósastaura og aðstoða við lagningu rafveituveitulagna.
Einnig skal malbika yfirlag á Hvammsveginn frá Hrunamannavegi út fyrir Reynihlíð.
Verklok eru 15. júlí 2021.
Helstu magntölur eru:
Gröftur 2375 m³
Styrktarlag og fylling í lagnaskurði 4775 m³
Malbik 4920 m²
Fráveitulagnir 610 m
Vatnsveitulagnir 475 m
Hitaveitulagnir 1060 m
Útboðsgögn verða afhent á rafrænu formi frá og með þriðjudeginum 22. september 2020. Þeir sem hyggjast gera tilboð í verkið skulu hafa samband við Bárð Árnason hjá Eflu Suðurlandi í síma 412 6900, eða með tölvupósti á netfangið ba@efla.is og gefa upp nafn, heimilisfang, síma og netfang og fá í kjölfarið útboðsgögnin send í tölvupósti.
Tilboðum skal skila á skrifstofu Hrunamannahrepps Akurgerði 6, 845 Flúðir fyrir kl. 11:00 fimmtudaginn 8. október 2020, en þá verða þau opnuð að viðstöddum þeim bjóðendum sem þess óska.
Sveitarstjórinn í Hrunamannahreppi
