Sífellt er unnið að umhverfisbótum á Breiðinni á Akranesi. Í morgun var byrjað að leggja 940 fermetra af svokölluðum grasstein í nýtt bílastæði fyrir gesti Akranesvita.
Áætlað er að verkinu verði lokið fyrir helgi. Í holurnar í steininum verður settur sandur og mold þar sem gróður mun vaxa í tímans rás.
Það er fyrirtækið Íslandsgámar sem er verktaki við þessar framkvæmdir, en hér er Ingólfur Valdimarsson á lyftaranum að leggja steininn með sérstökum búnaði. Hilmar Sigvaldason vitavörður fylgist með.
Heimild: Skessuhorn.is
