F.h. Umhverfis- og skipulagssviðs Reykjavíkurborgar og Veitna ohf. er óskað eftir tilboðum í verkið: Laugalækur – Hrísateigur. Gatnagerð, lagnir og djúpgámar, útboð nr. 14840.
Um er að ræða endurgerð gatnamóta Laugalækjar og Hrísateigs og niðursetningu djúpgáma í Hrísateig ásamt endurnýjun lagna og niðursetningu nýrra lagna. Ný gatnamót verða upphækkuð og hellulögð.
Verkinu er skipt í tvo áfanga:
Áfangi 1: Fullfrágengið verk í Laugalæk, frá gatnamótum Rauðalæks og Laugalæks að innkeyrslu við bílastæði í Laugalæk við Laugalæk 2-8.
Áfangi 2: Fullfrágengið verk.
Um er að ræða:
· Upprif og förgun gangstétta, kantsteina, hellna og malbiks ásamt tilheyrandi sögun og fræsingu. Meðhöndlun núverandi strengja og lagna ásamt greftri fyrir nýjum yfirborðsfrágangi og dýpri greftri og losun klappar fyrir djúpgámum.
· Útlagningu og þjöppun grúsarfyllingar, púkks og hellusands undir yfirborðsfrágang og í kringum djúpgáma.
· Fjarlægingu eldri niðurfalla ásamt niðursetningu nýrra niðurfalla og upphækkun brunna.
· Niðursetning djúpgáma.
· Útlagning og þjöppun jöfnunarlags undir malbik ásamt malbikun.
· Uppsteypa á gangstéttum og gangstéttaköntum.
· Hellulagning í munstrum með leiðisteinum og takkasteinum ásamt steypustyrkingu ystu helluraðar.
· Hellulagning skábretta og upphækkaðra gatnamóta.
· Málun og mössun.
Veituhluti verksins er eftirfarandi:
Fráveitulögn verður endurnýjuð ásamt því að leggja nýja regnvatnslögn með tengingum á núverandi niðurföllum í bílastæðum og götu í Hrísateig. Ný 1000mm wheolite regnvatnslögn verður lögð í Laugalæk með bráðabirgðatengingu yfir í núverandi Laugardalsræsi. Útbúin verða þrjú regnbeð sem taka við yfirborðsvatni frá Laugalæk með yfirfallssvelgjum tengdum við núverandi blandlögn í Laugalæk sem verður breytt í regnvatnslögn.
Vatnsveitustofn verður endurnýjaður í Laugarlæk og í hluta af Hrísateig.
Helstu magntölur vegna gatnagerðar og djúpgáma eru:
· Steypusögun, malbikssögun og fræsun 255 m
· Upprif og förgun malbiks og steyptra stétta 1425 m2
· Uppúrtekt, efni á tipp 700 m3
· Grúsarfylling 420 m3
· Púkk, þ = 200 mm 640 m2
· Niðursetning djúpgáma 1,6 m djúpir 2 stk
· Niðursetning djúgáma 2,65 m djúpir 3 stk
· Malbikun undirlag 60 mm 410 m2
· Malbikun yfirlag 40 mm 730 m2
· Steyptar gangstéttar 140 m2
· Hellulagðar gangstéttar 200 m2
· Hellulögð upphækkun 320 m2
· Gróðursetning runna og fjölæringa 830 stk
· Málun bílastæðalína 25 m
· Mössun deililína 65 m
Helstu magntölur vegna lagna eru:
· Uppúrtekt, efni á tipp 925 m3
· Söndun 305 m3
· Fylling 420 m3
· Fráveitulagnir 190 m
· Brunnar 6 stk
· Breytingar á niðurföllum og ný niðurföll 14 stk
· Staðsteypt renna með rist, L = 3 m 1 stk
· Myndbandsupptökur 1 stk
· Kaldavatnslagnir 90 m
Útboðsgögn verða aðgengileg á útboðsvef Reykjavíkurborgar frá kl. 13:00 þann 5. maí 2020, á vefslóðinni: http://utbod.reykjavik.is Nýskráning fyrirtækja hefst með því að smella “Nýskráning“.
Vakin er athygli á að allar fyrirspurnir verður að senda gegnum útboðsvef Reykjavíkurborgar. Fyrirspurnum sem berast með öðrum hætti verður ekki svarað.
Tilboðum skal skila með rafrænum hætti á framangreindan útboðsvef Reykjavíkurborgar eigi síðar en: Kl. 10:30 þann 19. maí 2020.
