„Þetta er komið á fleygiferð og gerist hratt þessa dagana,“ segir Jón Ágúst Garðarsson, framkvæmdastjóri Bestlu, í samtali við Skessuhorn.
Framkvæmdir fyrirtækisins við fimm hæða íbúða- og þjónustuhús við Dalbraut 4 á Akranesi hófust formlega með skóflustungu 22. febrúar síðastliðinn og eru nú komnar á fullt.
Á neðstu hæð hússins verður 1270 fermetra salur í eigu Akraneskaupstaðar, sem m.a. Félag eldri borgara á Akranesi og nágrenni fær til afnota fyrir félagsstarf sitt.
Á fjórum hæðum þar fyrir ofan verða samtals 26 tveggja- og þriggja herbergja íbúðir, ætlaðar eldri borgurum og bílastæði fyrir hverja íbúð er í kjallara.
Heimild: Skessuhorn.is
