Umhverfis- og skipulagsráð Reykjanesbæjar hefur hafnað tillögu Byggingafélags Gylfa og Gunnars (BYGG) um breytingar á byggingareit fyrirtækisins við Hafnargötu 81 – 85.
Ráðið telur tillögurnar ekki samrýmast stefnu um ásýnd bæjarins.
Tillögur BYGG að breyttu deiliskipulagi ganga út á að húsum verði fækkað úr þremur í tvö, en þau hækkuð í 8-9 hæðir í stað 7 hæða, en að íbúðafjöldi héldist óbreyttur eða 81 íbúð.
Tillagan er meðal annars lögð fram þar sem BYGG vill hafa lengra bil á milli húsa en gert er ráð fyrir í núverandi skipulagi.
Þá telur BYGG að með þessum breytingum yrði mögulegt að sleppa niðurrifi á gömlu saltgeymslunni og nýta húsnæðið sem leikhús eða tröllahelli.
Hér má sjá hvernig byggingafyrirtækið vildi breyta byggingum á svæðinu.
Heimild: Sudurnes.net
