Keyptu tvær íbúðir á um 400 millj­ón­ir

Fjár­sterk­ir aðilar hafa gengið frá kaup­um á 11. hæðinni í Bríet­ar­túni 9. Með því eru seld­ar tvær af dýr­ustu íbúðum í sög­um höfuðborg­ar­inn­ar, sé tekið mið af verðskrá.

<>

Ann­ars veg­ar er um að ræða íbúð sem kost­ar 195 millj­ón­ir og 211 millj­ón­ir með bíl­skúr. Sam­tals eru íbúðin og bíl­skúr­in 277 fer­metr­ar, eða á við rúm­gott ein­býl­is­hús.

Hins veg­ar seld­ist íbúð á 187 millj­ón­ir sem kostaði 203 millj­ón­ir með bíl­skúr, alls 270 fer­metr­ar.

Tólfta hæðin, sú efsta, í Bríet­ar­túni 9 er óseld en miðað við lista­verð íbúðanna á 11. hæð myndi hún kosta um 400 millj­ón­ir króna.

Kaup­end­ur íbúðanna á 11. hæð afþökkuðu hefðbundn­ar inn­rétt­ing­ar sem fylgja íbúðunum, að því er fram kem­ur í um­fjöll­un um þessi viðskipti í Morg­un­blaðinun í dag.

Heimild: Mbl.is