F.h. Umhverfis- og skipulagssviðs Reykjavíkurborgar er óskað eftir tilboðum í:
Gufunes 1. áfangi. Gatnagerð og lagnir, útboð nr. 14592.
Um er að ræða gatnagerð og lagnir í 1. áfanga uppbyggingar í Gufunesi.
Hér er boðinn út áfangi 1.A sem nær til gatna og veitukerfa norðan Gufunesvegar eins og afmarkað er á útboðsteikningum. Verkið er áfangaskipt og tveir skiladagar í desember 2019 og maí 2020.
Heildarlengd gatna er tæplega 1 km.
Um er að ræða:
Gatnagerð, grafa á upp ónothæft efni og flytja á losunarstað, fylla með burðarhæfu efni, leggja styrktarlag og burðarlag.
Fráveita, leggja á lagnir, þar með talið að ganga frá brunnum, niðurföllum, tengingum og útrásarenda.
Vatnsveita, leggja á dreifilagnir, þar með talið að ganga frá festum, brunahönum, lokum, spindlum og stopphanalokum.
Hitaveita, leggja á dreifilagnir, þar með talið að ganga frá festum, spindlum og lokum.
Rafveita, leggja á lág- og háspennukerfi ásamt jarðvírum, leggja ídráttarrör og annast útdrátt strengja.
Fjarskiptalagnir, leggja skal ídráttarrör og setja niður brunna.
Útboðsgögn verða eingöngu aðgengileg á útboðsvef Reykjavíkurborgar á vefslóðinni: http://utbod.reykjavik.is – frá kl. 10:00, þann 13. ágúst 2019.
Nýskráning fyrirtækja hefst með því að smella á „Nýskráning“ eða „Register“.
Vakin er athygli á að senda verður fyrirspurnir í gegnum útboðsvef innkaupaskrifstofu.
Fyrirspurnum sem berast með öðrum hætti verður ekki svarað.
Tilboðum skal skila með rafrænum hætti á framangreindan útboðsvef innkaupaskrifstofu Reykjavíkurborgar eigi síðar en: Kl. 10:00 þann 28. ágúst 2019.
Ekki verður haldinn formlegur opnunarfundur, nema að bjóðendur óski sérstaklega eftir því. Beiðni verður að hafa borist innkaupaskrifstofu 2 virkum dögum fyrir opnun tilboða, á netfangið utbod@reykjavik.is
