Vegagerðin óskar eftir tilboðum í eftirlit með gerð Arnarnesvegar milli Reykjanesbrautar og Fífuhvammsvegar.
Framkvæmdin felst í gerð Arnarnesvegar frá mislægum gatnamótum við Reykjanesbraut og austur fyrir Fífuhvammsveg, samtals 1.600 m. Á vegkaflanum skal gera þrenn gatnamót og byggja skal tvenn steypt undirgöng. Einnig skal setja upp veglýsingu, gera stíga, landmótun, hljóðvarnir, færslu og endurlögn háspennulagna og stofnlagnar hitaveitu auk ídráttarröra og strengja.
Framkvæmdin er samstarfsverkefni Vegagerðarinnar, Kópavogs, Garðabæjar og veitufyrirtækja.
Val bjóðanda fer fram á grundvelli hæfnisvals og verðs og ber bjóðanda að leggja fram tilboð sitt í tveimur hlutum, þ.e. upplýsingar um hæfni bjóðanda og verðtilboð.
Útboðsgögn verða seld á geisladiskum hjá Vegagerðinni Borgartúni 7 í Reykjavík (móttaka), frá og með mánudeginum 15. júní 2015. Verð útboðsgagna er 2.000 kr.
Skila skal tilboðum á sama stað fyrir kl. 14:00 þriðjudaginn 30. júní 2015 og verða þau opnuð þar kl. 14:15 þann dag og lesið upp hverjir hafa skilað inn tilboðum.
Síðari opnunarfundur verður á sama stað þriðjudaginn 7. júlí 2015 kl. 14:15 þar sem lesin verður upp stigagjöf bjóðenda í hæfnismati og verðtilboð hæfra bjóðenda opnuð.
