F.h. Umhverfis- og skipulagssviðs Reykjavíkurborgar óskar eftir tilboðum í eftirfarandi verk:
Úlfarsárdalur – stækkun hverfis. Leirtjörn – umhverfisfrágangur – 3.áfangi, útboð nr. 14553
Um er að ræða :
· Fullnaðarfrágangs á Leirtjörn með botnþéttingu(tjarnardúk) en búið er að grafa út fyrir tjörninni að mestu leyti.
· Útjöfnun efnis og landmótun á svæði milli hverfis og Leirtjarnar
· Burðarlag stígs frá Gæfutjörn að útrás og jarðvegsskipti á boltasvæði
· Greftri á rás í tjarnarbotni frá lágpunkti Leirtjarnar að útrás
· Grjóthleðslum meðfram tjarnarbakka og í hólma út í tjörninni ásamt lagningu grasþakna meðfram grjótvörn
· Grjóthleðsla í útrás við steypt yfirfall
· Gerð steypts yfirfalls við útrás Leirtjarnar ásamt botnloka og lögnum
· Formun og frágang ofanvatnsrása
· Lögn ræsa undir stíg ásamt endafrágangi við ofanvatnsrásir og í grótvörn við tjarnarbakka
· Grassáningu með landgræðslublöndu og á boltavöll
· Gróðursetningu vatnagróðurs við tjarnarbakka
Helstu magntölur eru:
· Tjarnardúkur 17.400 m2
· Gröftur og tilfærsla efnis 9.700 m3
· Fyllingar með aðkeyrðu efni 1.400 m3
· Grjóthleðsla við tjarnarbakka og hólma 280 m
· Formun ofanvatnsrása 70 m
· Steypa vegna yfirfalls 1 heild
· Þökulögn 750 m2
· Grassáning 15.500 m2
Skiladagur verksins er 1. nóvember 2019.
Útboðsgögn verða eingöngu aðgengileg á útboðsvef Reykjavíkurborgar frá kl. 14:00 þriðjudaginn 21. maí 2019 á vefslóðinni: http://utbod.reykjavik.is . Nýskráning fyrirtækja hefst með því að smella á „Register“.
Vakin er athygi á að senda verður fyrirspurnir í gegnum útboðsvef innkaupadeildar. Fyrirspurnum sem berast með öðrum hætti verður ekki svarað.
Tilboðum skal skila með rafrænum hætti á framangreindan útboðsvef innkaupadeildar Reykjavíkurborgar eigi síðar en: Kl. 10:00 þann 4. júní 2019.
Ekki verður haldinn formlegur opnunarfundur, nema að bjóðendur óski sérstaklega eftir því. Beiðni verður að hafa borist innkaupadeild 2 virkum dögum fyrir opnun tilboða, á netfangið utbod@reykjavik.is
