Umhverfissvið Mosfellsbæjar óskar eftir tilboðum í verkið: „Viðhaldsframkvæmdir „Varmárskóli yngri deild“
Mosfellsbær óskar eftir áhugasömum aðilum til að taka þátt í útboði vegna viðhaldsframkvæmda við Varmárskóla, yngri deild, Skólabraut 6 í Mosfellsbæ. Verkefni þetta felur í sér endurnýjun á hluta þakefna, glugga ásamt múrviðgerðum og málun. Sérstaklega mikilvægt er að verktaki taki tilliti til og lágmarki rask skólahalds.
Helstu verkþættir eru:
Endurnýjun bárujárns ásamt endurnýjun glugga, múrviðgerðum, heilfiltun og málun veggja á suðurbyggingu. Í vesturhluta skólans verður skipt um bárujárn á einni þekju ásamt gluggum ofan við þekjuna.
Helstu verkþættir eru:
Endurnýjun glugga 58 stk
Endurmálun veggja/lofta 303 m²
Endurnýjun þakjárns 473 m2.
Endurnýjun þakrenna 75.mtr.
Endurnýjun þakkants 75.mtr.
Alhreinsun veggja 303 m²
Filtun veggja og málun 303 m²
Pallar og aðstaða Heild
Verkinu skal að fullu lokið 1. september 2019
Útboðsgögn verða afhent í afgreiðslu bæjarskrifstofu Mosfellsbæjar, Þverholti 2, 2. hæð frá og með klukkan 10:00 á þriðjudeginum 30. apríl 2019.
Tilboðum skal skilað á sama stað, bæjarskrifstofur Mosfellsbæjar, eigi síðar en mánudaginn 20. maí 2019 kl.13:00 og þau opnuð að viðstöddum þeim bjóðendum sem þess óska.
