F.h. Umhverfis- og skipulagssviðs Reykjavíkurborgar er óskað eftir tilboðum í eftirfarandi verk:
Vogabyggð 1. Sjóvarnargarður Gelgjutanga, úboð nr. 14361
Verkið felst í uppbyggingu sjóvarnargarðs og grjótvarnar á Gelgjutanga. Sjóvarnargarðurinn snýr út að Elliðavogi og tengist þaðan sunnanvert að fyrrum lóð Húsasmiðjunnar. Vegna skjóls inni í voginum, verður grjótvörn þar minni en að austanverðu.
Helstu kennitölur eru:
- Grjót 1-3 tonn (steinar:75-105cm) 3.500 m3
- Grjót 1-2 tonn (steinar:75-90cm) 1.750 m3
- Sía 0,1-0,5 tonn (steinar allt að 60cm) 3.000 m3
- Kjarni sjóvarnargarðs (gróf fylling með stærstu steina um 25cm) 7.500 m3
Vegna fiskgengdar í Elliðavogi þá er leyfilegur framkvæmdatími við strandlínu svo nálægt laxveiðiám frá 1 nóvember til 30 mars en það nær til vinnu í fjöru og undir sjávarborði á þessu svæði.
Upphaf verks er áætlað í byrjun janúar 2019.
Heildarverki skal að fullu lokið 30. mars 2019.
Útboðsgögn verða eingöngu aðgengileg á útboðsvef Reykjavíkurborgar á vefslóðinni: http://utbod.reykjavik.is – frá kl. 12:00 þann 30. október 2018.
Nýskráning fyrirtækja hefst með því að smella á „Nýskráning“ eða „Register“.
Vakin er athygli á að senda verður fyrirspurnir í gegnum útboðsvef innkaupadeildar. Fyrirspurnum sem berast með öðrum hætti verður ekki svarað.
Tilboðum skal skila með rafrænum hætti á framangreindan útboðsvef innkaupadeildar Reykjavíkurborgar eigi síðar en: Kl. 10:00 þann 14. nóvember 2018.
Ekki verður haldinn formlegur opnunarfundur, nema að bjóðendur óski sérstaklega eftir því. Beiðni verður að hafa borist innkaupadeild 2 virkum dögum fyrir opnun tilboða, á netfangið utbod@reykjavik.is
