Kópavogsbær óskar eftir tilboðum í vetrarþjónustu göngu- og hjólaleiða í Kópavogi veturinn 2018 til 2019.
Í verkinu felst snjóruðningur og hálkueyðing á helstu göngu- og hjólaleiðum í Kópavogi. Verkið býðst út svæðaskipt og er skipt upp sem hér segir:
- Svæði A: Allir helstu reiðhjólastígar (samgöngustígar í forgangi 1) í öllum hverfum Kópavogs
- Svæði 1: Kársnes hverfi, að undanskildum leiðum í forgangi 1
- Svæði 2: Digranes sem afmarkast af Fossvogsdal, Smiðjuhverfi og Kópavogsdal, að undanskildum leiðum í forgangi 1
- Svæði 3: Smára-, Linda- og Salahverfi, að undanskildum leiðum í forgangi 1
- Svæði 4: Kóra-, Þinga- og Hvarfahverfi, að undanskildum leiðum í forgangi 1
Helstu magntölur eru:
- Svæði A (forgangur 1): 29,0 km
- Svæði 1 (forgangur 2 og 3): 11,2 km
- Svæði 2 (forgangur 2 og 3): 26,3 km
- Svæði 3 (forgangur 2 og 3): 26,8 km
- Svæði 4 (forgangur 2 og 3): 17,8 km
Útboðsgögn eru afhent rafrænt og skulu þeir sem óska eftir útboðsgögnum um verk þetta senda tölvupóst á netfangið utboð@kopavogur.is gögnin verða afhent rafrænt frá og með þriðjudeginum 2. október. Í tölvupósti skal koma fram nafn tengiliðs vegna útboðs þessa, nafn fyrirtækis, símanúmer og netfang.
Tilboðum skal skila fyrir kl. 10:00 mánudaginn 15. október 2018 í þjónustuver Kópavogs Digranesvegi 1, 200 Kópavogur, í lokuðu umslagi merkt:
Vetrarþjónusta göngu- og hjólaleiða í Kópavogi 2018-2019
