Gjaldþrotaskiptum er lokið í félaginu H150, sem áður hét Háfell, en engar eignir fundust upp í gjaldþrotið sem nemur rúmlega 1,2 milljarði króna. Þetta kemur fram í Lögbirtingablaðinu en DV hefur fjallað um málið og Viðskiptablaðið greint frá.
Félagið var verktakafyrirtæki og samkvæmt frétt DV var það í eigu Skarphéðins Ómarssonar. Háfell kom að stórum verkefnum á borð við byggingu Héðinsfjarðarganga og tvöföldun Reykjanesbrautar. Félagið breytti um nafn fyrr á þessu ári og fékk úthlutað verkefni hjá Reykjavíkurborg.
Félagið var tekið til gjaldþrotaskipta þann 7. júní fyrr á þessu ári en skiptum á því lauk þann 21. nóvember síðastliðinn.
Heimild: Visir.is
